أخوات مبدعات
السلام عليكم ورحمة الله وبركاته

مرحباً أختي الكريمه ...
أشرقت " منتديات أخوات مبدعات " بأحلى الضيفات

*** غاليتي ...
إن أعجبك منتدانا ورأيت فيه ما ينفعك ويسرك فنحن نرحب بك بيننا بكل فرح وسرور وحب في الله
نتمنى أن تسجلي معنا لنرى إبداعاتك ...
فحياكِِ المولى

أخوات مبدعات

منتدى للنساء والفتيات ،على منهج أهل السنة والجماعة ، يحتوي على كل ما يخص حواء في مراحلها العمرية المختلفة
 
الرئيسيةالبوابة*المنشوراتبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» هيتر المزارع من شركة الجوهري
أمس في 3:02 pm من طرف دالتكس ايجيبت

» اكسترودر الاعلاف الجافة (الصويا)
أمس في 3:00 pm من طرف دالتكس ايجيبت

» معدات تصنيع الاكواب الورقية
أمس في 2:30 pm من طرف دالتكس ايجيبت

» خط انتاج المناديل المبللة ( سينجل وايبس )
أمس في 2:29 pm من طرف دالتكس ايجيبت

» مكبس وود بيليت
الخميس نوفمبر 16, 2017 2:07 pm من طرف دالتكس ايجيبت

» انشاء مصنع علف صغير
الأربعاء نوفمبر 15, 2017 2:33 pm من طرف دالتكس ايجيبت

» مكابس العلف
الأربعاء نوفمبر 15, 2017 2:32 pm من طرف دالتكس ايجيبت

» مكبس علف صغير - معدات مصانع العلف
الأربعاء نوفمبر 15, 2017 2:31 pm من طرف دالتكس ايجيبت

» تصنيع الاكواب الورقية
الأربعاء نوفمبر 15, 2017 2:30 pm من طرف دالتكس ايجيبت

» خط انتاج الأكواب الورقية
الأربعاء نوفمبر 15, 2017 2:29 pm من طرف دالتكس ايجيبت

» ماكينه صناعة الاكواب الورقيه
الأربعاء نوفمبر 15, 2017 2:26 pm من طرف دالتكس ايجيبت

» مصانع علف بجميع الطاقات الانتاجية
الأربعاء نوفمبر 15, 2017 2:25 pm من طرف دالتكس ايجيبت

» مصنع علف دواجن / ارانب / مواشي / أغنام
الأربعاء نوفمبر 15, 2017 2:23 pm من طرف دالتكس ايجيبت

» تجهيز مصانع الاعلاف
الأربعاء نوفمبر 15, 2017 2:20 pm من طرف دالتكس ايجيبت

» هيتر المزارع
الأربعاء نوفمبر 15, 2017 2:19 pm من طرف دالتكس ايجيبت

» الكسارة الفكية jaw crusher - كسارات المحاجر
الأربعاء نوفمبر 15, 2017 2:18 pm من طرف دالتكس ايجيبت

» خطوط انتاج المناديل المبللة
الأربعاء نوفمبر 15, 2017 2:18 pm من طرف دالتكس ايجيبت

أفضل 10 أعضاء في هذا الأسبوع
دالتكس ايجيبت
 
الجوهري للاجهزة العلمية
 
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أم عبد الله
مبدعة غالية
مبدعة غالية
avatar


مُساهمةموضوع: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 3:48 pm


ازاي ترتبي امورك وانتي بتعزلي ورايحه شقه جديده





أخواتي وحبيباتي المبدعات

ده موضوع اطلعت عليه وعجبني اوي

وبعت لصاحبته رساله استأذنها في نقل الموضوع

وده ردها علي

اقتباس :
حبيبتى تسلميلى على كلامك الذوق
ربنا يعزك
اتفضلى حضرتك انقلى الموضوع و شكرا للاستئذان هدفى الاول افادة الجميع
ولو ممكن تكتبى ان صاحبة الموضوع طالبة منكم الدعاء لها بسعة الرزق و لابنها بالصلاح و انى اخاويه هههههههههه معلش شوية طمع انتي الى فكرتينى بحكاية الدعوة ديه ههههههههه
متشكرة لاستئذانك و ذوقك يا قمر

يا ريت يا مبدعات ما تنسوهاش من صالح دعائكم بالدعاء اللي هي طلبته دعاء

أسأ الله تعالى ان يوسع لها في رزقها وان ينبت ابنها نباتاً حسناً طيباً وأن يجعله من الصالحين
وأن يرزقها الله تعالى بأخ صالح لابنها

ودلوقتي نبدأ بسم الله


ورده 3

جيت انهاردة اقولكم على تجربة مريت بيها لرابع مرة
و هيه العزال انا عزلت ل 4 مرات هههههههههه مش غاوية عزال هحكيلكم بس متزهقوش
المرة الاولى الشقة كانت فى مكان فيه مشاكل كتير كهرباء و ميه
و عزلت روحت شقة كانت جميلة اوى و شوية و حبينا نوسع شوية و جبنا شقة اكبر
و استقريت فيها بس سبحان الله حصلت مشاكل فى العمارة و الشارع بقه زحمة اوى
و لقيت جوزى بيقولى نعزل No انا بقه ايه مغوارة قولتله اووووووووك
المهم يا قمرات انا خبرة فى تشطيب الشقق كمان

و طبعا خبرة فى لم العفش و فرشه بسرعة قياسية

فحبيت اعمل موضوع للافادة اقولكم فيه ازاى نلم عفشنا

و ازاى نرجع نفرشه فى الشقة الجديدة ارجوا انى اكون ضيفة خفيفة على قلوبكم و الموضوع يكون مفيد ليكم

نبدأ بسم الله

قلووب

احنا معزلين و هنلم العفش هنعمل ايه ؟؟؟
و ايه الى نحضره؟؟؟
طبعا لم العفش مش فى يوم واحد خصوصا الى عنده كراكيب كتييييييييييير زى حلاتى

طيب نبدأ بايه ؟؟؟؟؟؟

اولا نتفق ان اى كيس او كرتونة هنقفلها هنكتب عليها الكيس ده بتاع ايه
يعنى حاجات النيش نكتب نيش
المطبخ نكتب عليه مطبخ نكتب على اكياس الهدوم هدوم
واول حرف من اسم الشخص صاحب الهدوم
الخطوة ديه مهمة قوى قوى علشان الفرش وهقولكم لما ندخل فى مرحلة الفرش

ملحوظة كمان مهمة
الى لا قدر الله عندها صراصير او نمل لازم تغسل كل المواعين بتاعتها
تغسلهم بانها تملى البانيو
و لو مفيش بانيو تجيب طبق كبييييييير اوى تملاه و تحط فيه ديتول و تغسل كل المواعين و تحطهم على ملاية كبيرة ينشفو كويس اوى قبل ما تعبيهم
علشان الحشرات متعزلش معاكم تمام يا قمرات


1- هنبتدى يا قمرات بالغسيل لازم نغسل كل الغسيل الى عندنا
لاننا لما نروح الشقة الجديده هيكون عندنا هم ما يتلم مش ناقصة غسيل
و كمان نغسل السجاجيد كلها عند مغسلة
او تغسليها بنفسك انتى و مقدرتك بس حاولى تريحى نفسك علشان المجهود
و لما تنشف السجاجيد تبرميها كويس و تلبسيها كيسين من الاطراف و تربطيهم كويس علشان ميقعوش
و نغسل الستاير برضه و تتلم فى اكياس نظيفه





2- نشترى اكياس كبيرة اوى مش بتاعة الزبالة .... لا ..... فيه نوع تانى اكبر و امتن
و كمان نجيب كام كرتونة من السوبر ماركت بيبعوها الكرتونة ب 50 او 75 قرش
و نجيب بكرتين تلاتة من السلوتيب العريض اوى و جرايد




3- نبدأ بلم الهدوم بتاعة الموسم الى احنا مش فيه
بمعنى احنا فى الصيف نلم الشتوى لاننا مش هنحتاجة و العكس صحيح
الهدوم تتلم فى الاكياس الكبيرة
لان طبعا شنط السفر مش هتكفى هدومنا

و مننساش يا قمرات الهدوم الى صغرت او مش محتاجنها نغسلها كويس و نحطها فى كيس لوحدها و نبعتها لجمعية رسالة او اي جمعيه خيريه علشان الغلابة يستفادوا و اهو ربنا يباركلك فى بيتك الجديد و انتى بدأتى بصدقة تمام يا قمرات

و نلم كمان لعب اولدنا ( لو فيه اطفال ) فى اكياس و نسيبلهم بس لعبتين تلاتة
علشان مش يزهقونا و احنا بنلم باقى العفش




4- بعد الهدوم هندخل على النيش
طبعا وقت العزال مش وقت عزومات يبقه نلم الحاجات من النيش لاننا مش هنحتاجها
و اكيد حاجات النيش و الكوبيات و الصينى يتلفوا طبق طبق و كوباية كوباية فى جرايد و يترصوا فى الكراتين
و بعد ما نملى الكرتونة نحط جرايد نكرمشها و ندفسها فى اى فراغات فاضلة فى الكرتونة علشان مفيش حاجة تتكسر باذن الله تعالى
و طبعا الى عنده بوفيه بيلم بنفس الطريقة البوفيه





5- هندخل عل المطبخ و برضه الكوبيات و الاطباق فى كراتين
و البلاستيكات و الحلل فى الاكياس الكبيرة
و مننساش نكتب على كل حاجة المحتوى ايه بالظبط
الشوك و المعالق و السكاكين و الرفايع ممكن تحطيهم فى علبة بلاستيك بغطا محكم
او لو مش عندك علبة لفيهم فى فوطة كبيرة كويس و لزقى بالسوليتب العريض





6- نلم بقه كل التحف فى كراتين و نلفها كويس بجرايد علشان مش تتكسر
و بعدين التابلوهات نحطها فى اكياس و الاباجورات و كله




7- كده فاضل هدومنا الى بنستخدمها حاليا
و ديه نحطها فى شنطة سفر تاخد الهدوم بتاعتنا
و حطى فيها مكياجك و حاجتك كلها و لو فيه ورق مهم حطيه و الدهب و اى مقتنيات غالية و الشنطة ديه تنقليها بنفسك مش مع العفش على عربيات النقل تمام يا قمرات
( متنسيش تحتفظى ببطانية برة متشليهاش مع الحاجة و هقولك ليه )




8- تفكى كل العفش بتاعك ممكن تسيبى بس السرير الى هتنامى عليه لحد يوم النقل
و مهم اوى اوى لو العفش بعد ما تفكيه تلمى كل المسامير الربط بتاعته فى كيس مع بعض و تحطيه فى شنطة السفر الى قولتلك عليها الى فيها هدومك
و لو فيه اجزاء صغيرة من العفش بعد ما اتفك ممكن تجمعيهم سوا و تلزقيهم مع بعض
و متنسيش تلزقى ادراج الكمودينو و اى ادراج بلزق و برضه
وفرن البوتجاز باللزق العريض
و باب التلاجة علشان ميقعوش ولا يتفتحوا و العمال بتشيل العفش

و طبعا الكهربائى يجى يفكلك النجف و تحطيه فى اكياس كبيرة





9- انتى كده تمام و قمر وجاهزة للنقل

افضل تتعاملوا مع شركة نقل افضل مليون مرة من عمال تنزل و تلخبطلك حاجتك و تكسر فيها
شركات النقل فى شارع الجيش بالعتبة تنزل العفش و بيحافظوا عليه و عندهم عربيات متقفلة لنقل العفش بتحافظ صراحة على الحاجة و بيطلعوها
و فيه شركات ممكن تجيلك قبل النقل تعملك صناديق تحط فيها الحاجات القابلة للكسر بس بتتكلف جامد




10- لازم تنامى بدرى يوم العزال
علشان الشركات بتاعة النقل بتيجى بدرى اوى يمكن الساعة 7 صباحا تلاقيهم عندك

لازم حد يكون موجود مع العفش فى الشقة الى هتعزلى منها
و حد يكون معاهم تحت العمارة و همه بيحملوا الحاجة على العربيات
علشان ميحطوش حاجة فوق حاجة تتكسر

و البطانية الى قولتلك خليها بره علشان يلفوا بيها المرايات و هيه نازلة علشان مش تتكسر ان شاء الله

لازم كمان حد يكون موجود فى الشقة الجديدة الى هيتنقل ليها العفش





كده انا خلصت الجزء الخاص بلم العفش و هكتب الجزء الخاص بالفرش انتظرونى














سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
ريحانه
مبدعة غالية
مبدعة غالية
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:05 pm

موضوع رائئئئئئئئئئئئئئئئئعععععععععععع.......

وخاصه هدا الجزء

اقتباس :
اولا نتفق ان اى كيس او كرتونة هنقفلها هنكتب عليها الكيس ده بتاع ايه
يعنى حاجات النيش نكتب نيش
المطبخ نكتب عليه مطبخ نكتب على اكياس الهدوم هدوم
واول حرف من اسم الشخص صاحب الهدوم

ملحوظه هايله ...........عقبال ما أعزل و أطبقها.......يا رب

جازاكي الله كل خير غاليتي زهره أم عبد الله زهره

اقتباس :
ولو ممكن تكتبى ان صاحبة الموضوع طالبة منكم الدعاء لها بسعة الرزق و لابنها بالصلاح و انى اخاويه هههههههههه معلش شوية طمع انتي الى فكرتينى بحكاية الدعوة ديه ههههههههه

اللهم ارزقها وناقل الموضوع من سعة رزقك وأصلح شأنهم أجمعين
ونولهم ما في بالهم يا رب دعاء

وننتظر المزيد.......










الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:22 pm



بسم الله نبدا الفرش


فيونكه

لازم نعرف اننا لو رصينا العفش و احنا بنعزل كويس و كتبنا على كل حاجة و كنا منظمين الدنيا زى ما شرحت فى الجزء الى فات
الدنيا هتكون سهلة جدا باذن الله فى الرص

طبعا العمال طلعوا العفش
يا ريت و همه بيحطوه ترصى الخشب جنب بعضه الى هيتنصب

و الكياس و الكراتين جنب بعضها
و يكون الخشب فى مكان سهل الوصول ليه
علشان اول حاجة هتتعمل نصب الخشب

اما الاكياس و الكراتين مع بعض فى مكان مش مهم اوى يتفرش
انا حتطهم فى الغرفة الى هفرش فيها الليفنج روم لان ديه اخر حاجة هحتجلها

تمام يا قمرات

لازم قبل ما نبدأ فرش كمان يكون معانا منظفات
زى الديتول و ملمع زجاج و مسحوق غسيل عادى او اتوماتيك حسب غسالتك ليف مواعين فوط تنظيف قديمة و جردل و شرشوبة طبعا و مقشة و جاروف
طبعا لو الحاجات ديه اصلا عندنك و جايبهم من شقتك القديمة
يبقه تعملى الكيس الى فيه الحاجت ديه و تخليه فى مكان ظاهر
علشان هتحتاجيهم بدرى جدا
و تحطى معاهم العدة بتاعتك المفكات و الحاجات ديه هتحتاجيها
و مفتاح الامبوبة لو مفيش غاز

ورده 3

و لما تفضى الاكياس الكبيرة الى كنتى لميتى فيها العفش استخدميها لتجميع الزبالة و تخرجيها اول باول علشان الشقة تروق


1- نبدا بنصب العفش
على فكرة يا بنات الغرف الجديدة سهلة جدا فى النصب انا نصبتها انا و جوزى
لان النجار بياخد فى الغرفة 100 جنيه نصب و هيه متخدش ربع ساعة
انا نصبتهم والله انا وجوزى قولنا نجرب لو معرفناش نجيب نجار و الحمد لله عرفنا
و متنسيش المسامير بتاعة نصب الغرف فى شنطة السفر الى فيها لبسك و حاجتك المهمة

ملحوظة
( قبل نصب العفش لو فيه الانتريه او الصالون عايز يتغسل يتغسل الاول علشان يلحق ينشف على ما ننصب العفش و على فكرة منظف المفروشات بتاع ماى واى يجنن رجعلى عفشى جديد بجد رااااائع)



2- بعد ما نصبنا العفش
ناخد كل كيس و كرتونة من الى احنا طبعا كاتبين عليهم محتوايتهم و نحطهم فى الغرفة الخاصة بيهم
يعنى حاجات النيش عند السفرة حاجات الهدوم فى الغرف بتاعة اصحاب الهدوم وهكذا الخطوة ديه هتسهل عليكى كتييييييييييييييييييييييييييييييييييييييييير جداااااااااااااااااااااااا



3- لازم نعرف ان الاكل اليومين تلاتة الى هنرص فيهم يا يبقه جاهز يا يبقه نواشف سريعة
فيا ريت تتسوقى نواشف لو ناوية تطبخى مكرونة و بانية ... بطاطس محمرة و جبنة حاجات خفافى
كفاية حمل الفرش ومفرقتش من يومين تلاتة
و بعد كده اعملى المحمر و المشمربراحتك يا قمر



4- تبدأى بقه تدخلى كل غرفة
و افضل اول غرفة تكون غرفة نومك علشان ترصى الحاجة
رصى الهدوم و الدواليب و الحاجات
و افرشى ملاية قديمة بس نظيفة على السرير علشان الفرش النهائى فى الاخر



5- رصى بعد غرفة نومك غرفة الاولاد و خلصيها
و كل غرفة خلصتيها حطى على الباب كرتونة مفروده علشان الرجلين تتمسح فيها قبل و بعد الدخول من و الى الغرفة
علشان باقى الشقة ممكن تكون متربة و مفيش سجاجيد
المفروشات فى الاخر خالص



6- ادخلى على الحمامات ادعكيهم كويس اوى اوى اوى معاكى المنظفات و الحاجة



7- كده ممكن تريحى اليوم ده
و تكملى تانى يوم و كل واحدة و مقدرتها
الى متقدرش تعمل كل ده فى يوم تقسمه على يومين مش مهم



8- تانى يوم هتقومى تمسحى الريسبشن و المطبخ و تبداى ترصى المطبخ
طبعا يا قمرات انا موسوسة شوية
يعنى مش برص من الاكياس و الكراتين علطول ... لا ...انا بغسل كل المواعين الاول و اصفيهم على ملاية كبيرة و بعدين لما ينشفوا خالص ارص الحاجة فى المطبخ



9- خلصنا المطبخ ندخل على حاجات النيش برضه هتتغسل كويس و تتصفى و لما تنشف تترص فى النيش و البوفيه



10- كده اكيد اتهديتى ممكن تريحى و تكملى تانى يوم



11- انهارده بقه يوم الدلع
هنمسح الريسبشن و المطبخ و الحمامات و كله كله و نبدا بقه فى الدلع و الفرش

نفرش السراير بملايات نظيفة
نفرش مفارش السفرة و الانتريهات و الصالونات
و نحط التحف و الانتيكات و كله تمام

خلصنا كله و لمعنا الخشب و المرايات بالمنظفات بتاعتك و كل واحده و الانواع الى متعودة عليها و كله زى بعضه

كده ممكن نفرش السجاجيد المغسولة و النظيفة و نعطر الشقة و كله تمام




12- لو لسه فيه شغل فى الشقة
يعنى الكهربائى هيركب نجف مثلا او كده اطلبى منه يخلع الجزمة مفيهاش كسوف
و خلى معاكى مفرش مشمع صغير كده تحطيه تحت الكرسى او السلم الى هيطلع عليه يركب النجف برضه لو هتعلقى تابلوهات و كده حطى مشمع علشان الشنيور بينزل على الارض بس كلها حاجات بسيطة














سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:25 pm

طبعا يا مبدعات ده اكتر موضوع عجبني وانا ببحث عن التعزيل والانتقال لشقه او بيت جديد

فاستأذنت صاحبته ونقلته لكم

وطبعا انا كنت ببحث علشان مشرفتنا مسلمه وافتخر queen

ربنا ينفعها بيه يا رب وكل المبدعات

بحبكم في الله

الحب في الله
الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:32 pm

ريحانه كتب:
موضوع رائئئئئئئئئئئئئئئئئعععععععععععع.......

وخاصه هدا الجزء

اقتباس :
اولا نتفق ان اى كيس او كرتونة هنقفلها هنكتب عليها الكيس ده بتاع ايه
يعنى حاجات النيش نكتب نيش
المطبخ نكتب عليه مطبخ نكتب على اكياس الهدوم هدوم
واول حرف من اسم الشخص صاحب الهدوم

ملحوظه هايله ...........عقبال ما أعزل و أطبقها.......يا رب

جازاكي الله كل خير غاليتي زهره أم عبد الله زهره

اقتباس :
ولو ممكن تكتبى ان صاحبة الموضوع طالبة منكم الدعاء لها بسعة الرزق و لابنها بالصلاح و انى اخاويه هههههههههه معلش شوية طمع انتي الى فكرتينى بحكاية الدعوة ديه ههههههههه

اللهم ارزقها وناقل الموضوع من سعة رزقك وأصلح شأنهم أجمعين
ونولهم ما في بالهم يا رب دعاء


اللهم آآآآآآمين ... ولكي بالمثل يا ريحانة المنتدى وجميع المبدعات

جزاكي الله كل خير حبيبتي في الله على دعواتك الطيبات

ورده

وعقبال ما تعزلي وتطبقي كل الملاحظات

ربنا يوسع عليكي ويرزقك بالبيت اللي تتمنيه يا مبدعه

شرفتيني وعطرتي الموضوع يا ريحانه


وورده
الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:36 pm

وحشتوووووووووووووونى كتير

ووحشتينى اوى اوى اوى يا ام عبدالله

ايه الجمال والروعة دى يا قمر

انا فى امس احاجة للموضوع ده

عشان انا ان شاء الله هنقل قريب

ربنا ييسر ويتم على خير يا رب

اقتباس :
أخواتي وحبيباتي المبدعات

ده موضوع اطلعت عليه وعجبني اوي

وبعت لصاحبته رساله استأذنها في نقل الموضوع

وده عهدنا بيكى دايما يا ام عبدالله

تفيدنا وتتحفينا بمواضيعك الرائعه

وما شاء اله عليكى يعجبنى دايما

ذؤك فى استئذانك للعضوات اللى بتنقلى منهم

وكمان ما شاء الله على اختياراتك

ربنا ما يحرمنا ابدا من ابداعاتك

ربنا يصلح لكى ولكاتبة الموضوع احوالكما

ويرزقكما من حيث لا لا تحتسبوا

اميييييين يا رب العالمين





الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 4:47 pm


بجد يا ام عبدالله موضوع رائع
اقتباس :

وطبعا انا كنت ببحث علشان مشرفتنا مسلمه وافتخر

واشكرك يا قمراية انك عملتى المجهود ده كله عشانى
أحبك في الله أحبك في الله

عارفة كنت قلقانة اوى من موضوع النقل

بس حسيت انه الامور لو اترتبت زى كده

ان شاء الله الدنيا هتبقى سهله

ربنا يجزيكى عنا كل خير

يا غالية
الحب في الله

انا ان شاء الله هبدأ الم الحاجات الشتوى من دلوقتى واغسلها واكيسها

وكمان اللى الاقى انه ممكن استغنى عنه هاشيله واكيسه





الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 5:03 pm



موضوع مفصل ووافى

لكل اللى عاوزين يعزلوا





  




الرجوع الى أعلى الصفحة اذهب الى الأسفل
ريحانه
مبدعة غالية
مبدعة غالية
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الثلاثاء أبريل 03, 2012 11:21 pm



اقتباس :
ربنا يوسع عليكي ويرزقك بالبيت اللي تتمنيه يا مبدعه

مشكورة غاليتي ..........على الدعاء

كنت محتاجه اسمع الكلمتين والدعوه دي اليوم من قلبي

بوركتي أخيتي على كل مجهوداتك












الرجوع الى أعلى الصفحة اذهب الى الأسفل
ماء الورد
مبدعة مميزة
مبدعة مميزة
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الإثنين مارس 11, 2013 6:27 pm

وعليكم السلام ورحمة الله وبركاته

اللهم ارزق صاحبة الموضوع سعة الرزق وبارك لها في ابنها وارزقها بأخ له

موضوع كامل فعلا

ام عبد الله

أحسنت الاختيار

بارك الله فيك




الرجوع الى أعلى الصفحة اذهب الى الأسفل
ماء الورد
مبدعة مميزة
مبدعة مميزة
avatar


مُساهمةموضوع: رد: هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟   الإثنين مارس 11, 2013 6:28 pm

التقييم ممتااااااااز




الرجوع الى أعلى الصفحة اذهب الى الأسفل
 
هتعزلي وتنتقلي شقه جديده ومتلخلبطه ومش عارفه تعملي ايه ولا تفرشي ازاي ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أخوات مبدعات :: إبداع الأخت المسلمة في بيتها :: إبداع المسلمة في تنظيف وترتيب بيتها-
انتقل الى: