جدول تنظيف البيت للموظفات ... من ماما مملكه

مبدعة غالية

السلام علكيم ورحمة الله وبركاته

أخواتي وحبيباتي المبدعات

ده جدول لشغل البيت للموظفات

وطبعا اللي عملاه ماما مملكه ربنا يخلليها لينا يا رب ويبارك فيه وفي اسرتها

ويسترنا واياهم في الدنيا والآخره

ورده 3

جدول الموظفات

** موظفه او غير موظفه الحل السحرى تقومى بدرى.
مهما كان ميعاد شغلك قومى الساعه 6 صباحا .
لو ليكى طقوس معينه فى الفطار... الشاى... الصلاه ...ولو فيه ورد يتعمل ...
كل ده مع التعود موش هياخد منك وقت.

** تانى أأكد على النظام وترتيب الأفكار بيخلق سرعه فى الأداء مع الأعتياد على فعل هذا الشىء يصبح أسهل.

** أهم حاجه لازم تكونى عارفه هتمعلى غدا أيه ويفضل يبقى شبه جاهز أصلا فى الفريزر.
حسب أحنا فى الصيف والا فى الشتا يخرج الغدا من الفريزر يوضع فى رف الثلاجه لو فى الصيف
لو فى الشتا يبقى فى درجه حرارة الغرفه.

** بند الغسيل نخلص منه على اى مستوى .
منشور يتلم.
فى الغساله يتنشر
وكونى حريصه على وجود مشمع فوق الغسيل صيفا وشتاء. انتى ماتضمنيش الجو.
لو هيتغسل يبقى تشغلي عليه الغساله اول ماتصحى من النوم علشان لو عايزه تنشريه قبل ماتنزلى.

** وقفتى فى المطبخ اللى أصلا من بالليل زى الفل .
لو جربتى الأحساس بالمطبخ لما تصحى من النوم وانتى سايباه من بالليل أصلا زى الفل لن تتنازلى أبدا عن هذا المستوى من النظافه والراحه.
يبقى الصبح المطبخ لن يشكل عليكى أى عبء.
كذلك الحال قبل نزولك الشغل يبقى المطبخ بنفس مستوى النضافه.
وبرضوا وأنتى بتفتحى باب الشقه وداخله من الحر الفظيع اللى بره ولاقيه المطبخ بيبرق من النضافه موش هيهون عليكى تفرطى فى هذا الأحساس.

** لو لاقيتى فرصه وانتى بتجهزى فطار الأولاد وجوزك تبقى الشبابيك مفتوحه يبقى جميل اوى
علشان هوا الصبح لا يعوضه أى شىء.

** هنرتب السراير فقط
علشان المنظر يبقى مريح للأعصاب .

** تلمى اى حاجه موش فى مكانها لعب الأولاد. هدومهم بتاع البيت.

أحنا كده ماعملناش اى حاجه
تخيلى نفسك فى مشهد تمثيلى راجعه من الشغل وحطيتى المفتاح فى الباب فتحتى لقيتى الشقه مرتبه.والغدا معمول حسابه يادوبك الرز والا المكرونه والسلاطه .. او الصينيه هاتتحط فى الفرن.

فاصل

** اتغدى وغدى الأولاد وجوزك وخدى بريك شويه.

** هتشوفى على حسب اولوياتك وظروفك لو فى مذاكرة أولاد.
أو لو لسه اطفال هنقعد نلعب معاهم شويه الى ان ينامو.
مهم اوى اوى ان الأطفال ينامو بدرى وقبلك.
علشان تقدرى تتابعى مهامك واهتماماتك.

فاصل

كل ده واحنا مادخلناش فى الجدول بس البيت الشكل العام بتاعه جميل ويهدى الأعصاب.

هاتقومى تقفى فى المطبخ اولا وتطمئنى على غدا بكره وتظبطى المطبخ .
والحمام يتنضف بعد نهاية اليوم.
ولو قدرتى تنجزى حاجه من جدول الأسبوع يبقى جميل
أو ترتبى دولاب الهدوم أو درج من أدراج التسريحه. أودرفة المطبخ.
يعنى لازم اليوم يكون فى أنجاز ده هيشجعك تؤدى واجبك بحماس ونشاط.

** كل التفاصيل اللى قلنا عليها فى بداية موضوعى من جدول يومى لجدول اسبوعى لجدول شهرى أنتى هاتعمليه برضوا ولكن بطريقتك وحسب ظروفك.

يعنى ممكن الجدول الأسبوعى أما انك توزعيه على أيام الأسبوع ...كل يوم غرفه تنظف تنظيف عميق
وده موش هايناسب غير الستات اللى بتيجى من شغلها بدرى الى حد ما ..
او تنفذيه فى يوم واحد وفى الغالب لازم حد يساعدك او تعملى حسابك ترجعى من الشغل بدرى أو يوم أجازتك.

** مهم اوى تعملى يوم تجهزى فيه وجبات للأسبوع.

** ياجماعه الستات اللى بتفتكر أن الشغاله هى اللى هتنضف البيت تبقى غلطانه
دى مجرد مساعد يعنى الأساس انتى تعمليه
وهى تعمل البنود الشاقه تنظيف شبابيك ... مسح بلاط... تنظيف سجاجيد وعلميها تعمل بنفس الطريقه المتبعه..

** أذا كنت بانصح ربة المنزل بعدم اهدار الوقت فانتى يا موظفه الأولى بذلك
أياكى والتليفون والتليفزيون والكمبيوتر لغاية لما تخلصى اللى وراكى.

سلمت أناملك حبيبتي في الله أم البنين على هديتك الرائعه

وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا عسل عسل

مبدعة غالية

جزاكى الله خيرا يا ام عبدالله

موضوع جميل والله وان شاء الله امشى على النظام ده

لما لؤلؤه ربنا يكرمها وتجوز

هكون انا بأه امر من الموظفه لان هيكون عليا مدرسه

وشغل البيت كله لان ماما مش بتعمل حاجه ربنا يخليها

وبردو ابقى اقول النظام ده لاختى لانها موظفه وعندها

3 عيال

طبعا اللى هم ساره وسلمى ام دبوس طبعا احنا مش تايهين عنهم

وليهم اخ اكبر منهم ربنا يخليهم وطبعا فوق دا كلو جوزها

وشكرا ليكى يا ام عبدالله

وربنا يجعله فى ميزان حسناتك

محبة الرسول

مبدعة راقية

الله أكبر ان شاء الله لى عوده لوصف فرحتى بالموضوع ده

[

مبدعة غالية

محبةالرسول كتب:

جزاكى الله خيرا يا ام عبدالله

موضوع جميل والله وان شاء الله امشى على النظام ده

لما لؤلؤه ربنا يكرمها وتجوز

هكون انا بأه امر من الموظفه لان هيكون عليا مدرسه

وشغل البيت كله لان ماما مش بتعمل حاجه ربنا يخليها

وبردو ابقى اقول النظام ده لاختى لانها موظفه وعندها

3 عيال

طبعا اللى هم ساره وسلمى ام دبوس طبعا احنا مش تايهين عنهم

وليهم اخ اكبر منهم ربنا يخليهم وطبعا فوق دا كلو جوزها

وشكرا ليكى يا ام عبدالله

وربنا يجعله فى ميزان حسناتك

اولا مبروك اسمك بأه لونه ازرق وبقيتي من ضمن اسرة منتدايات اخوات مبدعات

ثانياً بأه يا حبيبتي ربنا يعينك ويقويكي يا رب

وربنا يجعله في ميزان حسناتك انك بتساعدي مامتك

وان شاء الله ده كويس ليكي بعد كده لما تبأي في بيتك ... ست بيت بصحيح

ورد أحمر

طيب وفين لؤلؤه بأه مش باينه يعني هي هتتجوز ولا ايه ؟؟؟

طمنيني عليها يا محبة الرسول صلى الله عليه وسلم ربنا يكرمك يا رب

ورد أحمر

واختك بأه ام سلمى وساره ما تخليها تيجي معانا في الحملة بتاعت تنضيف البيت اللي عملاها فراشة المنتدى في قسم التنضيف

احنا معانا مبدعات موظفات بردو زي فراشة المنتدى وزهرة الياسمين

وانا نزلت الموضوع ده مخصوص علشانهم

ورد أحمر

تعالي بأه لما اقول لك كلمه في ودنك

جايين ليه يا مبدعات غضب

انا قولت محبه بس

أربي يا بت queen

ما تقوليش سلمى ام دبوس دي تاني

علشان ممكن تطلع عليها يا قمر

عارفه في ناس كانوا بيطلعوا اسامي كده في هزار

وبعدين قلبت بجد وفضل الاسم لاااااااازق فيهم

خلاص يا محبه اتفقنا يا قمر ؟؟؟ أهلا

سلمت أناملك حبيبتي في الله أم البنين على هديتك الرائعه

وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا عسل عسل

مبدعة غالية

فراشة المنتدى كتب:

الله أكبر ان شاء الله لى عوده لوصف فرحتى بالموضوع ده

ربنا يفرحك في الدنيا والآخره

ربنا ينفعك بيه يا فراشتنا

مستنياكي يا مبدعه

ورد أحمر

مبدعة رائعة

ايه الجمال والروعة دى يا ام عبدالله
انا بحب نظام الجداول اووووى
بتنظم الوقت جداااا
وكمان احساسى ان الجدول ده اتنفذ
احساس تاانى خالص
انا هنفذه ان شاء الله

اقتباس:

تخيلى نفسك فى مشهد تمثيلى راجعه من الشغل وحطيتى المفتاح فى الباب فتحتى لقيتى الشقه مرتبه.والغدا معمول حسابه يادوبك الرز والا المكرونه والسلاطه .. او الصينيه هاتتحط فى الفرن.

يا سلام على الاحساس
جزاك الله خيرا

تسلمى يا ام عبدالله على النقل

مبدعة مميزة

كلام حلو اوي تسلمي يا ام عبد الله ربنا يبارك لينا فيكِ ..

ثمة أروآحٍ لهآ فِ آلقلبْ نبضَةً

إن آقبَلتْ دقّ آلقلبُ لهآ فَرحاً وإنْ آدبرتْ دقّ آلقلبُ لهآ شوقاً

!