أخوات مبدعات
السلام عليكم ورحمة الله وبركاته

مرحباً أختي الكريمه ...
أشرقت " منتديات أخوات مبدعات " بأحلى الضيفات

*** غاليتي ...
إن أعجبك منتدانا ورأيت فيه ما ينفعك ويسرك فنحن نرحب بك بيننا بكل فرح وسرور وحب في الله
نتمنى أن تسجلي معنا لنرى إبداعاتك ...
فحياكِِ المولى

أخوات مبدعات

منتدى للنساء والفتيات ،على منهج أهل السنة والجماعة ، يحتوي على كل ما يخص حواء في مراحلها العمرية المختلفة
 
الرئيسيةالبوابة*المنشوراتبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» تصنيع الأكواب الورقية
اليوم في 1:02 pm من طرف دالتكس ايجيبت

» مكبس علف صغير - معدات مصانع العلف
اليوم في 11:42 am من طرف دالتكس ايجيبت

» هيتر المزارع من شركة الجوهري
أمس في 3:02 pm من طرف دالتكس ايجيبت

» اكسترودر الاعلاف الجافة (الصويا)
أمس في 3:00 pm من طرف دالتكس ايجيبت

» معدات تصنيع الاكواب الورقية
أمس في 2:30 pm من طرف دالتكس ايجيبت

» خط انتاج المناديل المبللة ( سينجل وايبس )
أمس في 2:29 pm من طرف دالتكس ايجيبت

» مكبس وود بيليت
الخميس نوفمبر 16, 2017 2:07 pm من طرف دالتكس ايجيبت

» انشاء مصنع علف صغير
الأربعاء نوفمبر 15, 2017 2:33 pm من طرف دالتكس ايجيبت

» مكابس العلف
الأربعاء نوفمبر 15, 2017 2:32 pm من طرف دالتكس ايجيبت

» مكبس علف صغير - معدات مصانع العلف
الأربعاء نوفمبر 15, 2017 2:31 pm من طرف دالتكس ايجيبت

» تصنيع الاكواب الورقية
الأربعاء نوفمبر 15, 2017 2:30 pm من طرف دالتكس ايجيبت

» خط انتاج الأكواب الورقية
الأربعاء نوفمبر 15, 2017 2:29 pm من طرف دالتكس ايجيبت

» ماكينه صناعة الاكواب الورقيه
الأربعاء نوفمبر 15, 2017 2:26 pm من طرف دالتكس ايجيبت

» مصانع علف بجميع الطاقات الانتاجية
الأربعاء نوفمبر 15, 2017 2:25 pm من طرف دالتكس ايجيبت

» مصنع علف دواجن / ارانب / مواشي / أغنام
الأربعاء نوفمبر 15, 2017 2:23 pm من طرف دالتكس ايجيبت

» تجهيز مصانع الاعلاف
الأربعاء نوفمبر 15, 2017 2:20 pm من طرف دالتكس ايجيبت

» هيتر المزارع
الأربعاء نوفمبر 15, 2017 2:19 pm من طرف دالتكس ايجيبت

أفضل 10 أعضاء في هذا الأسبوع
دالتكس ايجيبت
 
الجوهري للاجهزة العلمية
 
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 حملة يللا ننضف أول بأول .......ونخللى البيت يتكلم من كتر النضافه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
فراشة المنتدى

avatar


مُساهمةموضوع: حملة يللا ننضف أول بأول .......ونخللى البيت يتكلم من كتر النضافه    الإثنين فبراير 13, 2012 10:10 pm



بصوا يا مبدعات

عايزه تشجيع جامد أوى من كل العضوات هنا علشان نقدر نستمر فى الحمله ده وعايزه كل لما حد فينا يبدأ يكسل التانى يشجعه

الحمله هى كالتالى

أولا نودع الكسل وندعى دايما (اللهم انى أعوذ بك من الهم والحزن وأعوذ بك من العجز والكسل)

تمام كده قولوا تمام ...

ثانيا نستعين بالله ونلف لفه فى الشقه اللى عايز تصليح نجيب حد يصلحه

سباكه بايظه نصلحها

نجاره نجيبلها نجار

بيتك ناقصه حاجه مهمه هاتيها







بصوا مش هكمل غير لما ألاقى كل المبدعات بيشجعونى

وأنا هنا على فكره زعيمة الكسل وأول واحده هديله بال....
الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الإثنين فبراير 13, 2012 10:36 pm

اقتباس :
نستعين بالله ونلف لفه فى الشقه اللى عايز تصليح نجيب حد يصلحه
أيوة كدة هو ده اللى نفسى اعمله من زماااان
أنا معاك يا فراشة مش هسيبك




  




الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الإثنين فبراير 13, 2012 11:04 pm

أم البنين كتب:
اقتباس :
نستعين بالله ونلف لفه فى الشقه اللى عايز تصليح نجيب حد يصلحه
أيوة كدة هو ده اللى نفسى اعمله من زماااان
أنا معاك يا فراشة مش هسيبك

يللا يا أم البنين كلك حماس عايزين باقى المبدعات
الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 12:13 pm

يللا يا ماما فراشة انا معاكى




الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 1:13 pm

أمبارح بعد ما طلعت من المنتدى أخدت لفتى فى الشقة وحددت المطلوب

وفوووووووووورا ، بدأت .....

قمت رتبت المطبخ وشلت الأدوات الظاهرة فى مكانها ولميت لعب الاولاد بعد ما ناموا.....وروقت الشكل العام

وكنت ناوية اعمل أهم حاجة.....غسل المواعين بس كنت مستوية خااااااالص وعاوزة أناااااااااااام

يلا تشجيع أحسن هكسل كدة...




  




الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 1:53 pm

أم البنين كتب:
أمبارح بعد ما طلعت من المنتدى أخدت لفتى فى الشقة وحددت المطلوب

وفوووووووووورا ، بدأت .....

قمت رتبت المطبخ وشلت الأدوات الظاهرة فى مكانها ولميت لعب الاولاد بعد ما ناموا.....وروقت الشكل العام

وكنت ناوية اعمل أهم حاجة.....غسل المواعين بس كنت مستوية خااااااالص وعاوزة أناااااااااااام

يلا تشجيع أحسن هكسل كدة...

بصى يا قمرايه يا قلب فراشه لسه الجاى أحسن هخليكى مش قاعده دقيقه فاضيه ان شاء الله هخللى حب شغل البيت يجطرى فى دمنا
الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 1:56 pm

مسلمة وأفتخر كتب:
يللا يا ماما فراشة انا معاكى

اوووووووكى يا قلب ماما فراشه من جوه

عايزه تشجيع فى الموضوع من أم العيال وعزى ايمانى وكل الجروب علشان نكون مجموعه

ومتزعلوش منى الجروب مش هينفع اساسا من غير محبوبة الجماهير أم عبدالله
الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 4:37 pm

بجد شجعتينى يا ام البنين
بس فعلا زى ما قلتى يا فراشة لازم ام عبدالله معانا
الموضوع مش هيبقى له طعم من غيرها
انا بأه دلوقتى باعمل محشى كرنب
وانا باعمل فىا لمحشى قمت على المطبخ طلعت الادراج ومسحتها ونفضتها
ورصيتها
وبعدين جبت علب البهارات
فضيت اللى فيها على كيس
وقمت غسلتها
ومستنياها تنشف عشان ارجع البهارات فيها تانى




الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 5:55 pm

برافو عليكى يا مسلمة
أيوة كدة
فراشة أكيد هتفرح أوى




  




الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الثلاثاء فبراير 14, 2012 8:18 pm

معلشى
اصل انا مزروعة فى المحشى
خلاص هأوم اسويه بأه
اتفضلو معانا
طبخ




الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الأربعاء فبراير 15, 2012 9:49 am

وكمااااااااااااان بتنضفوا البيت من غيري


ماااااااااااااااشي

مش كفايه حملة الاستغفار

طييييب Wink

اقتباس :
ومتزعلوش منى الجروب مش هينفع اساسا من غير محبوبة الجماهير أم عبدالله

اقتباس :
بس فعلا زى ما قلتى يا فراشة لازم ام عبدالله معانا
الموضوع مش هيبقى له طعم من غيرها



ربنا يخلليكم ليا يا رب يا فراشه انتي ومسلمه
وما يحرمنيش منكم ابداااااااا

انتوا الخير والبركه يا قمرات

المهم بأه يا فراشتنا انا يا اختي سبقت وعملت الحمله دي بس فشلت بعد الشر عن حملتك

والرابط اهه

http://akhawat.bestgoo.com/t1808-topic

اما عن اسباب الفشل حتى تتجنبيها

اصلي انا مش شديده زيك كده

انا بقعد اطبطب وادلع

والامور دي عايزه شده

ياللا انا معاكم ان شاء الله لاني بجد محتاجاها جداااااااااااا

البرد اللي عندنا مخلليني مش قادره اتحرك وانا سايبه البيت بقالي فتره عامله اني مش واخده بالي














سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الأربعاء فبراير 15, 2012 1:46 pm

الف الف الف حمدالله على سلامتك يا غاليه والله غاليه

أهو كده الكلام ولا بلاش أم عبدالله يا بلاش واحده غيرها ماتنفعناش

وبكده ننطلق على بركة الله


هنا ان شاء الله هتلاقى معانا اللى يخليكى تقومى تنضفى وانتى حابه تنضفى مش مجبره تنضفى بيتك
الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الأربعاء فبراير 15, 2012 2:11 pm

اقتباس :
معلشى
اصل انا مزروعة فى المحشى
خلاص هأوم اسويه بأه
اتفضلو معانا

طبخ
أيه أخبار المحشى يا مسلمة ؟؟عرفتى تتشتغلى فى البيت ولاشطب عليكى خلاص





  




الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الأربعاء فبراير 15, 2012 6:30 pm

اقتباس :
بقالي فتره عامله اني مش واخده بالي
انا كمان كنت عاملة زيك مش واخدة بالى
بس فراشة لفتت نظرى
ههههههه
اقتباس :
أيه أخبار المحشى يا مسلمة ؟؟عرفتى تتشتغلى فى البيت ولاشطب عليكى خلاص
شطب عليا والله يا ام البنين
وبعده تبت وندمت وعزمت على الا اعود لعمل المحشى
مش قبل 6 شهور على الاقل
هههههههه






الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الأربعاء فبراير 15, 2012 8:33 pm



بصوا بقه يا مبدعات يللا بقه نسيبنا من الهزار وندخل فى الجد

صلوا عالنبى

اخصى عليكى يا أم البنين مسمعتش صلى عالنبى يا مسلمه صلوا عالنبى يا أم عبدالله ويا كل المشتركين صلى الله عليه وسلم

بدأنا بالصلاة عالنبى لتتنزل الرحمات نخش بقه فى الموضوع

يللا يا مبدعه انتى وهيه خشى عالمطبخ حالا وخدى معاكى كيس كبير آآآآدى الدنيا على رأى علياء بنتى

وبعدين تفتحى الكيس برااااااااااااحه عليه علشان بعد كده هيتمرمط فى المطبخ من كتر اللى هيكون فيه من الكركبه اللى موجوده ايشى فى الضلف

وايشى تحت الحوض

وايشى فوق المطبخ

وايشى فوق التلاجه برده ميمنعش

افتحى بقه يا قمرايه أول حاجه ضلف المطبخ استعينى بالله وجمدى قلبك

على عملية وأد الكركبه اللى هتعمليها وبلا رحمة وبكل قسوه ارمى كل عزيز وفى نفس الوقت ملوش لازمه

بداية من البرطمانات اللى قاعدين نجمع فيها عالفاضى والمليان وعلب معرفش ايه وصينيه مكسور منها حته صغيره بس مستخصره ترميها طب بالله عليكى انتى تقدرى تستخدميها او تقدميها للضيوف لو كانت الاجابه لالالالالالا على طول ارمى فى الكيس

مثلا حاجه قدمت وانتى جبت بدالها ورحت شليله القديمه طب ده بقت اسمها قديييييييمه شايلاها ليه

يا ستى لو مستحرمه ترميها اديها لأى حد محتاجها ولو انى حاسه معادشى عاد محتالج الكل عنده اللى مكفيه

المهم مش عايزين نرغى كتير خلينا فى الجد بلاش ضحك يا أم البنبن احنا مبنهزرش

المهمو بعد ما تتخلصى من كل الكراكيب اللى فى المطبخ حته حته

تروحى ماسكه الضلف ملمعاها مش هقولك انا ده مش شغلتى ادخلى عى مواضيع ماما مملكه هنا فى القسم الخاص بيها

وعلى مواضيع الغاليه أم عبدالله وانتى هتعرفى طرق التنضيف القويه وكيفيتها

بصوا مش هكمل لغاية ملاقى تفاعل معايا

الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الخميس فبراير 16, 2012 5:06 pm

اقتباس :
بداية من البرطمانات اللى قاعدين نجمع فيها عالفاضى والمليان وعلب معرفش ايه
مش قادرة يافراشة مش قادرة والله بجد مش بهزر
قولولى أعمل أيه؟؟؟
مش أد الخطوة دى




  




الرجوع الى أعلى الصفحة اذهب الى الأسفل
زهرة الياسمين
مبدعة راقية
مبدعة راقية
avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الخميس فبراير 16, 2012 7:54 pm

اقعدى مع نفسك شويه وحاولى تقنيعيها
انا عارفه انه صعب
الاول امسكى نوع واحد انت مخزناه
اسئلى نفسك بالراحه
مثلا البرطمانات ::::
انا باستخدمها فى ايه؟؟؟؟؟
فى ناس بيعملوا فيها مخلل (لو كبيره)او مربى او بيحطو فيها (توابل او الحاجات الصغيره )
المهم جوبى على نفسك
انا محتاجه بالكتييييير اوى كام برطمان فاضى ؟؟؟
الاجابه مثلا 2
خلاص حطيهم فى شنطه وممكن تديهم للعطار مثلا لحد بيبيع حاجات محتاجه حاويات(على فكره ساعات بيبقى فى ناس محتاجها وهو عارفهم هيدها لهم )(وممكن يدعولك)
===========--------------
بعد ما تهدى وتنسى ان انت رميتى البرطمانات
ادخلى على حاجه تانيه واقنعى نفسك الاول
وياريت تبداءى بالحاجه اللى انت ممكن ترميها اسهل
======------
يعنى مش لازم فى نفس اليوم لو لاقيه الموضوع صعب عليك
اعتقد ان حملة التنضيف
هدفها النضافة والتخلص من ..............
وممكن تعملى جدول للحاجات اللى عايزه تتخلصى منها علشان مش تنسى
والله المستعان الدعاء للجميع
ادعو لبعض وليه





رب اغفر لى ولوالدى وللمسلمين الاحياء والاموات
وارزقنا الفردوس الاعلى
بلا مسالة حساب
ولا سابقة عذاب
ونسألك رؤية وجهك بلا حجاب

الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الجمعة فبراير 17, 2012 6:58 pm

اقتباس :
فى ناس بيعملوا فيها مخلل (لو كبيره)او مربى او بيحطو فيها (توابل او الحاجات الصغيره )
المهم جوبى على نفسك
انا محتاجه بالكتييييير اوى كام برطمان فاضى ؟؟؟

عند حق يا زهرة هما كام برطمان كفاية

اقتباس :
خلاص حطيهم فى شنطه وممكن تديهم للعطار مثلا لحد بيبيع حاجات محتاجه حاويات(على فكره ساعات بيبقى فى ناس محتاجها وهو عارفهم هيدها لهم )(وممكن يدعولك)
والله يازهرة لما الواحد بيفكر بالشكل ده بيطلع من أغلى ما عنده

بس هى الحملة وقفت ولا أيه؟؟؟؟
مفيش تفاعل
فين فراشة؟؟




  




الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الجمعة فبراير 17, 2012 9:53 pm

اقتباس :
اقتباس:
بداية من البرطمانات اللى قاعدين نجمع فيها عالفاضى والمليان وعلب معرفش ايه

مش قادرة يافراشة مش قادرة والله بجد مش بهزر
قولولى أعمل أيه؟؟؟
مش أد الخطوة دى
ههههههههههه
انا اللى مش قادرة يا ام البنين
عسسسسسسل
ههههههه
اروح اكمل بأه




الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الجمعة فبراير 17, 2012 10:02 pm

يللا يا فراشة انتى فين
فين اخبارك
وصلتى لغاية فين
انا معاكى
بس انا بأه غيريا ام البنين
انا باعشق ارمى الحاجات
ما باخليش
اى حاجة ما لهاش لازمة ارمى من غير تفكير




الرجوع الى أعلى الصفحة اذهب الى الأسفل
فراشة المنتدى

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الجمعة فبراير 17, 2012 10:51 pm

أنا معاكو بس كنت مستنيه تفاعلكم

على فكره احنا دلوقتى لسه فى المطبخ بعد كده هندخل عالاود والحمام واليسبشن او الصاله يعنى

المهم نكمل المطبخ

يارب تكونوا جمدتوا قلبكوا وقدرتوا تتخلصوا من القيود اللى فى المطبخ وكلام زهرة عين العقل فكرى فيه هتقدرى فعلا تجمدى قلبك وترمى

المهم بعد ما رميتى كل حاجه من الضلف مش محتاجاها

تعالى بقه عالاجهزه اولا الخلاط امسكى شوية خل باى منظف مواعين عندك وبلى قماشه وامسحى هيبرق تروحى بعد كده ماسكه كل الاجهزه اللى عندك الكبه والمضرب الكهربائى وكل اللى عندك منضفاه وملمعاه وتروحى بقه رصاهم فى ضرفه تعملى ضلفه مخصوص للأجهزه كده تحسى بالنظام اكتر طبعا اكيد انتى لمعتى الضلفه من جوه وفرشتيها مفارش بلاستيك او اى نوع تحبيه

بعد كده هتمسكى ضلفه ضلفه تنضيف وتلميع وترصى بقه واحده للكوبيات والكاسات والحاجات اللى بتستخدميها دايما ده بتكون غير اللى فى النيش طبعا

وضلفه مثلا لطقم البيركس او الميلامين اللى بتستخدميه فى المطبخ

وكل واحده بقه على حسب ما تحب المهم عايزين نطلع من كل ده لا للكركبه

لا للبرطمانات يا أم البنين جمدى قلبك شويه انا عارفه الضنى غالى ههههههه

بس مصلحتك أولا هههه

بعد كده ندخل بقه على أدراج المطبخ تمسكى درج وترمى منه كل اللى ملوش لازمه مثلا هتلاقى طبعا درج من اياهم كله اكياس ممكن تستخدمى طريقة مسلمه لتنظيم الاكياس ولو مش عايزه ممكن تعملى شنطه قماش تخيطيها على ايدك يكون شكلها شيك وتعلقيها فى البطبخ وترمى فيها كل الاكياس اللى بتستخدميها فى جمع الزباله او فى اى غرض تانى وبكده هتكون قريبه من ايدك على طول

وبعد ما تتخلصى من اى كراكيب برده تلمعى الادراج وتفرشيها وترصى كل حاجه على نضافه بس أما نه يا أم البنين تخلصى من الحاجات اللى ملهاش لازمه
تقريبا كده خلصنا من المطبخ بعد كده اكيد هتمسكى الحيط تغسليه والارض تمسحيها والبوتاجاز تغسليه وتنضفيه كويس

الخلطه بقه اللى بستخدمه لازالة الدهون اللى عالبوتاجاز واللى عالسيراميك وكل دهون الشفاط واى دهون فى المطبخ او اى صدى

ربنا يباركلى فيها ام عبدالله هى اللى قالتلى عليها

معلقة ملح ليمون (بيتباع عند العطار) على ملعقة كربوناته او بيكربونات يعن على شوية خل
ياريت لما تحطيهم على بعض تضيفى طبعا عليهم مايه ويكون فى زجاجه لانه بيفور عند الخلط

يارب اكون قدرت اوصلكم فكرتى الاساسيه اللى هى ارمى ولا يهمك

المره القادمه ان شاء الله هقولكم عملت ايه فى الدولاب وحكايتى مع الهدوم الجديده والقديمه اللى مبستعملهاش ودولابى اللى مكانش بياخدهدوم علشان عباره عن شماعات وملوش رفوف

وحكايتى مع تسريحتى اللى كل حاجه متبعتره عليها أقصد كااااااانت متبعتره عليها

الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    الجمعة فبراير 17, 2012 11:04 pm

وحشتينا يا فراشة
حمدالله على سلامتك يا قمر
بس انا عايزة اقول عشان ما نحسش انه الدنيا هتبقى صعبة
زى ما اتعلمت من مواضيع ماما مملكة
اننا نمسك حاجة حاجة عشان ما نحسش ان الدنيا صعبة ونتعب فى نص الطريق
يعنى مثلا النهاردة هنمسك ادراج المطبخ بس
مع تنضيف الشقة العادى وشغلنا العادى اليومى
بكرة نمسك الضلف وهكذا
وبكده ما نحسش بالتعب ونقدر نستمر ونواصل
هنستناكى يا قمر
باسلوبك اللى زى القمر زيك
اه نسيت حاجة
اقتباس :
تعالى بقه عالاجهزه اولا الخلاط امسكى شوية خل باى منظف مواعين عندك وبلى قماشه وامسحى هيبرق
لو عندك فرشة اسنان قديمة تنضفى بيها هيكون اسهل اوى وكمان هينضف لك الخطوط اللى ما بتقدريش توصللى ليها بالقماشة




الرجوع الى أعلى الصفحة اذهب الى الأسفل
زهرة الياسمين
مبدعة راقية
مبدعة راقية
avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    السبت فبراير 18, 2012 7:49 am

جزاك الله خيرا




رب اغفر لى ولوالدى وللمسلمين الاحياء والاموات
وارزقنا الفردوس الاعلى
بلا مسالة حساب
ولا سابقة عذاب
ونسألك رؤية وجهك بلا حجاب

الرجوع الى أعلى الصفحة اذهب الى الأسفل
أم البنين

avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    السبت فبراير 18, 2012 9:09 am

اقتباس :
اولا الخلاط امسكى شوية خل باى منظف مواعين عندك وبلى قماشه وامسحى هيبرق تروحى بعد كده ماسكه كل الاجهزه اللى عندك الكبه والمضرب الكهربائى وكل اللى عندك منضفاه وملمعاه

الحمدلله أنا قمت بالمهمة دى تمام ..بس جديدة حكاية الخل دى هبقى أجربها

اقتباس :
لا للبرطمانات يا أم البنين جمدى قلبك شويه انا عارفه الضنى غالى ههههههه

بس مصلحتك أولا هههه
ماشى يافراشة هدوس على قلبى وأمرى لله ....ههههههه




  




الرجوع الى أعلى الصفحة اذهب الى الأسفل
جنان خضراء
مبدعة نشيطة
مبدعة نشيطة
avatar


مُساهمةموضوع: رد: حملة يللا ننضف أول بأول .......ونخللى البيت يتكلم من كتر النضافه    السبت فبراير 18, 2012 4:05 pm

حمله روووووووووعه
بارك الله فيكم
واستفدت كتييييييير منك يا فراشه
وانا كنت نفس حالة ام البنين كده بس الموضوع خف عندي شويه بالصبر والمثابره
هههههههههههه
فاصله ورده
ماما جت زارتني مره ودخلت المطبخ
ومش عايزه اقول لكم طلعت منه اد ايه
ربنا يخلليهالي يا رب
وقالت لي انتي كنتي عايشه في المطبخ ده ازاي ؟؟؟
طبعا الوحده ما بتحسش بنفسها لان الموضوع بيجي وحده على وحده بدون ما تحس
بتتحول الى كارثه
وتلاقي المطبخ بأه ضيق
وما بأتيش عارفه تحطي الحاجه فين ما فيش اماكن
بس الحمد لله من وقتها وانا اتحسنت اوووووووي
ادعوا لمامتي الله يخلليكم هي السبب
وعقبالك يا ام البنين
حاسه بيكي لانك هتقدمي على الخطوه دي بنفسك
انا الحمد لله ماما ريحتني من الشعور الصعب ده
بس والله بجد اسمعي كلامي
بعدها هتفرحي اووووووووووووووووي بالنتيجه
حسيت بعدها اني بتنفس في المطبخ وانا مرتاحه
وكأن الحاجات دي كانت قاعده على قلبي
ياللا شدي حيلك يا قمر وتعالي قولي لنا النتيجه
ربنا يوفقك

ابتسمي







.
الرجوع الى أعلى الصفحة اذهب الى الأسفل
 
حملة يللا ننضف أول بأول .......ونخللى البيت يتكلم من كتر النضافه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
أخوات مبدعات :: إبداع الأخت المسلمة في بيتها :: إبداع المسلمة في تنظيف وترتيب بيتها-
انتقل الى: