أخوات مبدعات
السلام عليكم ورحمة الله وبركاته

مرحباً أختي الكريمه ...
أشرقت " منتديات أخوات مبدعات " بأحلى الضيفات

*** غاليتي ...
إن أعجبك منتدانا ورأيت فيه ما ينفعك ويسرك فنحن نرحب بك بيننا بكل فرح وسرور وحب في الله
نتمنى أن تسجلي معنا لنرى إبداعاتك ...
فحياكِِ المولى

أخوات مبدعات

منتدى للنساء والفتيات ،على منهج أهل السنة والجماعة ، يحتوي على كل ما يخص حواء في مراحلها العمرية المختلفة
 
الرئيسيةالبوابة*المنشوراتبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» هيتر المزارع من شركة الجوهري
أمس في 3:02 pm من طرف دالتكس ايجيبت

» اكسترودر الاعلاف الجافة (الصويا)
أمس في 3:00 pm من طرف دالتكس ايجيبت

» معدات تصنيع الاكواب الورقية
أمس في 2:30 pm من طرف دالتكس ايجيبت

» خط انتاج المناديل المبللة ( سينجل وايبس )
أمس في 2:29 pm من طرف دالتكس ايجيبت

» مكبس وود بيليت
الخميس نوفمبر 16, 2017 2:07 pm من طرف دالتكس ايجيبت

» انشاء مصنع علف صغير
الأربعاء نوفمبر 15, 2017 2:33 pm من طرف دالتكس ايجيبت

» مكابس العلف
الأربعاء نوفمبر 15, 2017 2:32 pm من طرف دالتكس ايجيبت

» مكبس علف صغير - معدات مصانع العلف
الأربعاء نوفمبر 15, 2017 2:31 pm من طرف دالتكس ايجيبت

» تصنيع الاكواب الورقية
الأربعاء نوفمبر 15, 2017 2:30 pm من طرف دالتكس ايجيبت

» خط انتاج الأكواب الورقية
الأربعاء نوفمبر 15, 2017 2:29 pm من طرف دالتكس ايجيبت

» ماكينه صناعة الاكواب الورقيه
الأربعاء نوفمبر 15, 2017 2:26 pm من طرف دالتكس ايجيبت

» مصانع علف بجميع الطاقات الانتاجية
الأربعاء نوفمبر 15, 2017 2:25 pm من طرف دالتكس ايجيبت

» مصنع علف دواجن / ارانب / مواشي / أغنام
الأربعاء نوفمبر 15, 2017 2:23 pm من طرف دالتكس ايجيبت

» تجهيز مصانع الاعلاف
الأربعاء نوفمبر 15, 2017 2:20 pm من طرف دالتكس ايجيبت

» هيتر المزارع
الأربعاء نوفمبر 15, 2017 2:19 pm من طرف دالتكس ايجيبت

» الكسارة الفكية jaw crusher - كسارات المحاجر
الأربعاء نوفمبر 15, 2017 2:18 pm من طرف دالتكس ايجيبت

» خطوط انتاج المناديل المبللة
الأربعاء نوفمبر 15, 2017 2:18 pm من طرف دالتكس ايجيبت

أفضل 10 أعضاء في هذا الأسبوع
دالتكس ايجيبت
 
الجوهري للاجهزة العلمية
 
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 تعالوا يا مبدعات نشجع بعض على تنظيف وتنظيم بيوتنا واستغلال وقتنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أم عبد الله
مبدعة غالية
مبدعة غالية
avatar


مُساهمةموضوع: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأربعاء نوفمبر 16, 2011 12:37 am


السلام عليكم ورحمة الله وبركاته

ازيكم يا أحلى مبدعات

وحشتوووووووووووني كلكم

انا فتحت الموضوع ده علشان نشجع بعض على استغلال يومنا كويس وتنظيم امورنا وتنظيف بيوتنا

يا ريت كل وحده تدخل تكتب هي عملت ايه في اليوم

وده ان شاء الله هيخلينا نشجع بعض في انجازمهامنا اليوميه

وان شاء الله انا هبدأ أحيلكم عملت ايه النهارده












سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأربعاء نوفمبر 16, 2011 3:05 am

انا عندي مشكله بحاول اظبطها وهي اني بسهر بالليل وبصحى متأخره الوقت .

وده طبعا بيضيع بركة اليوم

المهم انا صحيت ساعه بدري النهارده وهحاول اظبط اكتر ان شاء الله

اللي انجزته النهارده الحمد لله

اولا :- امبارح كنت مستهبله وسايبه المطبخ بالليل فيه كام طبق على حله لى شوية كوبايات ومعالق بدأت بيهم وغسلتهم

ورده 3

ثانياً :- طبخت الغدا .... طبعا عايزين تعرفوا ايه ؟؟؟؟؟


طيب وعايزين تعرفوا ليه ؟؟؟؟


فضول ؟؟؟؟



طيب خلاص هعديها المره دي


طبخت بطاطس ورز ولحمه ( لوحدها مش مع البطاطس )


ورده 3


ثالثاً :- بعد الغدا دخلت ابص على الحمام ما عجبنيش منظر الحوض قلت اغسله

وهي دي نيتي والله كنت ناويه خير اني اغسل الحوض بس

لقيت نفسي بصيت كده على سيراميك الحيط قلت طيب ما هو نضيف مش هياخد حاجه فغسلته هو كمان
وبعدين بأه غسلت التواليت
ولمعت المرايا تنظيف

ومسحت الأرض والحمام ما شاء الله بيبرق

ورد أحمر

طريقة تعقيمي للحمام

عندي بخاخه بحط فيها شوية ديتول واكملها ميه ... ودي بنستخدمها بعد كل استخدام للحمام بخه على القاعده كلها للتعقيم

غسلتها بميه سخنه وصابون سايل وحطيت فيها الديتول وكملتها ميه

ودي صورتها




ورد أحمر


بصراحه فرحت اوي بشكل الحمام رغم انه كان نضيف وما كنش عليه الدور بس نصيبه بأه

وبعدين نضافه عن نضافه تفرق
ونضافه على نضافه شيئ خيااااااااال
دلوقتي ما شاء الله بيلمع ويبرق


ورده 3

رابعاً :- المفروض اني بقوم من على الأكل اغسل المواعين مباشرة يعني بفضي الاطباق وانا لسه قاعده على الاكل واخدهم على الحوض مباشرة
علشان لو سبتهم شويه
ممكن اكسل
وحاجه تانيه احنا في الشتا فالاكل بيلزق في الاطباق وبعدين بيبقى صعب في التنضيف

وطبعا ملاحظين من تسلسل اليوم اني ما عملتش كده النهارده وكانت هتبقى مشكله والمواعين تفضل للصبح زي امبارح
فلحقت نفسي قبل ما افقد العاده الحلوه دي ما شاء الله

روحت داخله على المطبخ قلت هغسل المواعين بس بسرعه ...والبوتاجاز هعمله بكره ان شاء الله

غسلت المواعين وبصيت على البوتاجاز صعب علي قلت اشمعنى هو روحت غسلاه غسله محترمه مع ان مش دي طريقتي الثابته معاه لكن سبحان الله النهارده غسلته غسل

ورد أحمر

طيب انا بأه تعاملي مع البوتاجاز اللي هو روتيني اليومي معاه ايه ؟؟؟؟

عامله ازازه حاطه فيها شويه صابون سايل اللي باغسل بيه المواعين
بس الصابون مش لدرجة انه يعمل رغوه ( وده مهمته التنضيف )
شوية خل صغيرين ( وده للتلميع )
على شوية ديتول صغيرين اوي يعني ملئ غطا صغير مثلا ( وده فايدته التعقيم )

الخلطه دي روعه بتخليني ما احتاجش اني اغسل البوتاجاز إلا على فترات
يعني بلمعه بالخلطه دي بس

بشرط اني بعمله يوميا وممكن مرتين في اليوم حسب الاستخدام

ممكن تحطيها في بخاخ وترشي رشه على البوتاجاز وبفوطه نضيفه تمسحيها وخلاص ولا شطف ولا اي حاجه

او ازازه عادية وتملي غطاها وترشيه على البوتاجاز وتلمعي بالفوطه بردو من غير شطف

وكده بتبقي خلصتي من بند البوتاجاز

وكل فتره ممكن تغسليه


ودي صورة بوتاجازي في الغربه

وبالمناسبه بقالوا 3 سنين كاملين ما شاء الله لا قوة إلا بالله




اتفضلوا الشاي

فاصل

ودي صوره اقرب بس ما حدش يبص على العيون بتاعته What a Face علشان هي مصنوعه من نوع رديييئ جدااااااااااااااا

يعني مجرد ماتخلصي غسيل كل العيون تلاقيهم عليهم صدأ لانهم مصنوعين من الحديد

انتوا عارفين بأه بيوت للتسكين فبيفرشوها اي كلام

بس الحمد لله مجرد ما بتولعي النار بتاكل الصدا وبيبقوا معقولين




خدي بالك من الاستانلس بتاع البوتاجاز

ورد أحمر

بعد كده غسلت الحوض والحنفيه كويس ( ذكرتها خصوصا علشان افكركم بيها لاني سمعت ان في ناس ما بتغسلش الحنفيه بصراحه هيكون منظرها وحش اوي )
وغسلت الرخامه ومسحت الارض
ومسحت الشباك بفوطه

والحمد لله
ماشاء الله المطبخ نايم مبسوط اوي بفضل الله


ورد أحمر



قلووب

وخلاص بعدها عمتي اتصلت كلمتني على سكايب واسعدتني بمكالمتها ربنا يجعلها من سعداء الدارين

انتم عارفين اني في غربه والوحده في الغربه ما بتصدق تسمع صوت حد من حبايبها

ربنا ما يحرم حد من حبايبه يا رب


الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأربعاء نوفمبر 16, 2011 4:24 am

مش عارفه الصور طلعت كبيره اوووووووووووووي ليه كده مع انها في الاصل اصغر من كده

على فكره الصور دي بموبايل مش كاميرا علشان كده مش حلوين اوي


ورد أحمر

المهم

عايزه اقولكم لو لا حظتوا في كلامي اني كنت داخله الحمام علشان اغسل الحوض بس

وبعدين الحوض شد معاه باقي الحمام

والمطبخ كنت داخله اغسل المواعين بس خلصت عليه كله

ودي نقطه عايزه اوضحها

ماما مملكه ربنا يديها الصحه ويسترها في الدنيا والآخره هي واولادها

هي اللي علمتني النقطه دي انك لما تشتغلي في البيت وخصوصا لما تكوني زهقانه او نفسيا مش مظبوطه فكري في حاجه صغيره بس واعمليها

يعني ما تدخليش تبصي للمطبخ وهو مكركب مواعين مثلا وتقعدي تبصي للمواعين والبوتاجاز والرخامه والارض وكمان تفكري في الضلف من جوه والادراج

لاااااااااااااااااااا

فكري في حاجه وحده اللي هي المواعين لانها الاهم وقرري انك هتغسليهم بس

مجرد ما تبدأي في الغسيل هتلاقي نفسك شديتي كل حاجه وراهم وبالرااااااااحه خاااااااااااااالص

وده كان يومي

انتم بأه يومكم كان ازاااااااااااااااي ؟؟؟؟؟












سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الجمعة نوفمبر 18, 2011 11:28 am

ايه الجمال والروعه والابداع ده
يا ام عبدالله
ما شاء الله عليكى
اسلوبك فى عرض يومك رااااائع
وكمان حمستينى وشجعتينى اوى
وما شاء الله الله اكبر على منظر بوتاجازك ربنا يحفظه ليكى
انا طبعا مش هاقدر اقول انا عملت ايه
لانى كده المقارنه معاكى يا قمر هتبقى صعبه
بصى النهاردة الجمعه
انا صحيت متأخر شويه الساعه 10
لانى باستنى الجمعه دى عشان انام براحتى الصبح
قمت جهزت الفطار
وانا باجهز الفطار حطيت دورة غسيل ابيض فى الغساله
وكان فيه غسيل على المنشر لميته
بس لسه ما طبقتوش
وبعدين فطرنا
وجيت احلى منتدى
ولسه بأه هقوم على الشقه واحكى لكم
بس بجد انتى حمستينى اوى يا ام عبدالله




الرجوع الى أعلى الصفحة اذهب الى الأسفل
لؤلؤه
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الجمعة نوفمبر 18, 2011 1:55 pm

ما شاء الله يا ام عبد الله

والله انا اشتقت لشغل البيت

عارفه والله الي مش بتحب الشغل

من طريقت كلامك تحبه

ومال بقا الي بتحب الشغل تمووووت فيه

ههههههههههه

******

ربنا يكرمك ويخليكي

يا ام عبد الله

جزاكي الله خيرا




ما اجمل ان يبكي الإنسان والبسمة على شفتيه
وان يضحك والدمعه في عينيه.



الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الجمعة نوفمبر 18, 2011 3:44 pm

مسلمة وأفتخر كتب:

وكان فيه غسيل على المنشر لميته
بس لسه ما طبقتوش

يا نهارك ابيض يا مسلمه ما طبقتيش الغسيل ؟؟؟ غضب


دي ماما مملكه لو عرفت هتقطعك What a Face

انتي مش متابعه مواضيعها معانا ولا ايه ؟؟؟

بصي يا قمر

الغسيل تطبقيه وانتي بتلميه

يعني ما تلميهوش وبعدين تدخلي الله اعلم ظروفك هتكون ايه

لااااااااااازم القطعه اللي تشيليها من على المنشر تتطبق مش هتاخد ثانيتين

وده هيحافظ على الغسيل

لانه لو مثلا عندك اولاد ربنا يبارك لك فيهم ممكن يوقعوه في الارض مثلا

وكمان انتي هتكسلي

وكمان اهم نقطه بأه ان الغسيل هيكرمش

ياللا بسرعه طبقي الغسيل اول حاجه

وما تعمليش كده تاني

احسن ابلغ عنك

مستنياكي يا قمر

اوعي تزعلي أصلي عارفه انك مشرفه يعني ممكن تحدفيني بره المنتدى في ثواني كمبيوتر












سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الجمعة نوفمبر 18, 2011 3:57 pm

لؤلؤه كتب:
ما شاء الله يا ام عبد الله

والله انا اشتقت لشغل البيت

عارفه والله الي مش بتحب الشغل

من طريقت كلامك تحبه

ومال بقا الي بتحب الشغل تمووووت فيه

ههههههههههه

******

ربنا يكرمك ويخليكي

يا ام عبد الله

جزاكي الله خيرا

طيب يا حبيبتي مستنياكي لما ترجعي لشغل البيت بالسلامه

ان شاء الله كل يوم تدخلي تدينا تقريرك علشان لو في حاجه كده ولا كده ابأه ابلغ فيكي انتي كمان Smile

تعرفي انا كمان لما بتعب شويه مثلا

بيوحشني شغل البيت أووووووووي

سبحان الله فطره بأه

نورتيني وشرفتيني يا قمرايه

وورده












سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 7:46 pm

اقتباس :
ياللا بسرعه طبقي الغسيل اول حاجه

وما تعمليش كده تاني

احسن ابلغ عنك

كده يا ام عبدالله
خلاااص حرمت
اخر اخر مرة
اقتباس :

اوعي تزعلي أصلي عارفه انك مشرفه
يعني ممكن تحدفيني بره المنتدى في ثواني

هو انا اقدر يا ام عبدالله
اولا المنتدى من غيرك ما لوش طعم
تانى حاجه
الاخوات كلهم هيقومو عليا ويقولو
مسلمة تمشى
ام عبدالله مش تمشى
ويتجمعو بأة فى فضفضه ويعملو موضوع ارحلى يا مسلمة
ههههه





الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 8:08 pm

هههههههههههههههههههه

الله يسعدك في الدنيا والآخره يا مسلمه

ضحكتيني

أخيراً ضحكت الحمد لله

بقالي كام يوم نفسي اضحك

وبعدين الأخوات مش هيطالبوكي تمشي

هيطالبوا بس بتوفيق الأوضاع وتعديل الوثيقه

هههههه


وورده













سلمت أناملك حبيبتي في الله أم البنين على هديتك الرائعه



وكمان جزاكِ الله خيراً على هذه الشهاده الرااااائعه
ربنا يخلليكي لينا يا مشرفتنا الحبيبه يا
عسل عسل

الرجوع الى أعلى الصفحة اذهب الى الأسفل
لؤلؤه
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 8:14 pm

ربنا يسعدك والله اتبسط جدا

لما ضحكتي يا ام عبد الله

ايوه كده بلا دنيا بلا قرف

والله ما تسوا اي حاجه

ربنا يسعدنا جميعا يارب




ما اجمل ان يبكي الإنسان والبسمة على شفتيه
وان يضحك والدمعه في عينيه.



الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 8:17 pm

اقتباس :
أخيراً ضحكت الحمد لله

بقالي كام يوم نفسي اضحك

طيب كويس الحمد لله

اقتباس :
وبعدين الأخوات مش هيطالبوكي تمشي

هيطالبوا بس بتوفيق الأوضاع وتعديل الوثيقه
طبعا هاعدل مباشرة
هههههه





الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 8:22 pm

لؤلؤه كتب:
ربنا يسعدك والله اتبسط جدا

لما ضحكتي يا ام عبد الله

ايوه كده بلا دنيا بلا قرف

والله ما تسوا اي حاجه

ربنا يسعدنا جميعا يارب

الحمد لله

صدقتي يا لؤلؤه

ربنا يخليكي ليا يا قمر
الرجوع الى أعلى الصفحة اذهب الى الأسفل
أم عبد الله
مبدعة غالية
مبدعة غالية
avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأحد نوفمبر 20, 2011 8:26 pm

مسلمة وأفتخر كتب:
اقتباس :
أخيراً ضحكت الحمد لله

بقالي كام يوم نفسي اضحك

طيب كويس الحمد لله

اقتباس :
وبعدين الأخوات مش هيطالبوكي تمشي

هيطالبوا بس بتوفيق الأوضاع وتعديل الوثيقه
طبعا هاعدل مباشرة
هههههه


طيب الله يكرمك بأه ما تبأيش تتأخري علشان الخساير

ربنا يهدي يا رب
الرجوع الى أعلى الصفحة اذهب الى الأسفل
مسلمة وأفتخر

avatar


مُساهمةموضوع: رد: تعالوا يا مبدعات نشجع بعض على تنظيف وتنظيم بيوتنا واستغلال وقتنا    الأربعاء فبراير 15, 2012 6:33 pm

طيب ايه رايك يا ام عبدالله نضم الحملتين على بعض
واهو
كتر التكرار يعلم الشطار
والزن على الودان
يخللينا ننضف
هههههههه




الرجوع الى أعلى الصفحة اذهب الى الأسفل
 
تعالوا يا مبدعات نشجع بعض على تنظيف وتنظيم بيوتنا واستغلال وقتنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أخوات مبدعات :: إبداع الأخت المسلمة في بيتها :: إبداع المسلمة في تنظيف وترتيب بيتها-
انتقل الى: